ବଜ୍ରାଘାତରେ ଚାଲିଗଲା ଚାଷୀଙ୍କ ଜୀବନ

ନୀଳଗିରି: ବରହମପୁର ଥାନା ଅଧୀନ ଡାଳିମପାଳ ଗାଁର ଚିତ୍ତରଞ୍ଜନ ମହାକୁଡ଼(୪୨) ନାମକ ଜଣେ ଚାଷୀ ବିଲ କାମ କରୁଥିଲେ। ଗତକାଲି ସନ୍ଧ୍ୟା ସମୟରେ ବଜ୍ରାଘାତ ହେବାରୁ ସେ ବିଲରେ ହିଁ ଟଳି ପଡ଼ିଥିଲେ। ଅନ୍ୟ ଚାଷୀମାନେ ତାଙ୍କୁ ସେଠାରୁ ଉଦ୍ଧାର କରି ପ୍ରଥମେ ବରହମପୁର ଓ ପରେ ନୀଳଗିରି ଡାକ୍ତରଖାନା ନେଇଥିଲେ ହେଁ ଡାକ୍ତର ମୃତ ଘୋଷଣା କରିଛନ୍ତି।। ଏନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି। ଆଜି ନୀଳଗିରି ଡାକ୍ତରଖାନାରେ ଚାଷୀଙ୍କ ମୃତଦେହ ବ୍ୟବଛେଦ କରାଯିବ ବୋଲି ସୂଚନା ମିଳିଛି। ଚାଷୀଙ୍କ ମୃତ୍ୟୁରେ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି।