ନୂଆଦିଲ୍ଲୀ : ମର୍ମନ୍ତୁଦ ସଡକ ଦୁର୍ଘଟଣାରେ ଚାଲିଗଲା ୮ ଛାତ୍ରଙ୍କ ଜୀବନ। ଶୁକ୍ରବାର ରାତି ପ୍ରାୟ ୧୧:୪୦ ସମୟରେ କାଇପାମଙ୍ଗଲମର ପାନାମ୍ବିକକୁନୁରେ ଏହି ଦୁର୍ଘଟଣା ଘଟିଛି। ଗୁରୁଭାୟୁରରୁ କୋଡୁଙ୍ଗାଲୁର ଯାଉଥିବା ଛାତ୍ରମାନେ ରାସ୍ତାକଡ଼ରେ ବେଆଇନ ଭାବରେ ପାର୍କିଂ ହୋଇଥିବା ଏକ ମହାରାଷ୍ଟ୍ର-ପଞ୍ଜିକୃତ ଲରି ପଛରେ ଦ୍ରୁତ ଗତିରେ ଧକ୍କା ଦେଇଥିଲେ।
ଘଟଣା ଏତେ ତୀବ୍ର ଥିଲା ଯେ ୬ ଜଣ ଛାତ୍ରଙ୍କର ଘଟଣାସ୍ଥଳେ ମୃତ୍ୟୁ ହୋଇଥିଲା, ଅନ୍ୟ ଦୁଇଜଣଙ୍କୁ ଡାକ୍ତରଖାନାରେ ଡାକ୍ତର ମୃତ ଘୋଷଣା କରିଥିଲେ। ଅନେକ ପ୍ରୟାସ ପରେ ସ୍ଥାନୀୟ ବାସିନ୍ଦା, ପୁଲିସ ଏବଂ ଅଗ୍ନିଶମ କର୍ମଚାରୀମାନେ କ୍ଷତିଗ୍ରସ୍ତ କାରରୁ ମୃତଦେହ ବାହାର କରି ତ୍ରିସୁର ମେଡିକାଲ କଲେଜ ମର୍ଗକୁ ପଠାଇଥିଲେ।
