କଟକ: କଟକକୁ ମାଡ଼ି ଆସୁଛି ବଡ଼ ବିପଦ। ଏପଟସେପଟ ହୋଇ କଟକର ଦୁଇ ପାର୍ଶ୍ବରେ ମହାନଦୀ ଓ କାଠଯୋଡ଼ି ବୋହି ଯାଇଥିଲେ ହେଁ କଟକରେ ଭୀଷଣ ଜଳ ସଂକଟ ଦେଖାଦେବ। ପିଇବା ପାଣି ପାଇଁ କଟକବାସୀ ହନ୍ତସନ୍ତ ହେବେ। ବେଳ ହୁଁ ସାବଧାନ ନ ହେଲେ ଏପରି ସ୍ଥିତି ବେଶୀ ଦୂର ନୁହେଁ। ରେଭେନ୍ସା ବିଶ୍ବବିଦ୍ୟାଳୟର ଭୂ-ତତ୍ତ୍ୱ ବିଜ୍ଞାନ ବିଭାଗର ପ୍ରଫେସର୍ ଏପରି ସତର୍କବାଣୀ ଦେବା ସହ ପ୍ରଶାସନ, ସରକାରଙ୍କୁ ଚେତାଇ ଦେଇଛନ୍ତି। ଭୂତତ୍ତ୍ୱ ବିଜ୍ଞାନ ବିଭାଗର ପ୍ରାଧ୍ୟାପକଙ୍କ ଦ୍ବାରା ଏକ ଗବେଷଣାରୁ ଜଣାଯାଇଛି ଯେ ସହର ଚାରିପାଖେ ବେଆଇନ ବାଲି ଖାଦାନର ସାମ୍ରାଜ୍ୟ ଏବେ କଟକର ମାଟି ତଳର ଜଳଭଣ୍ଡାରକୁ ଶୂନ୍ୟ କରିଦେଲାଣି। ଗତ ଦୁଇରୁ ୩ ବର୍ଷ ହେଲା ଜଳସ୍ତର କମି କମି ଯାଉଛି। ବିଶେଷକରି, କାଠଯୋଡ଼ି ଓ ଆଖପାଖ ଅଞ୍ଚଳରେ ଏଭଳି ସଙ୍କଟ ସୃଷ୍ଟି ହେବାର
ଆଶଙ୍କା ଦେଖାଦେଇଛି। ସେହିଭଳି କାଠଯୋଡ଼ି ଏବଂ ମହାନଦୀରେ ବାଲିଚର କ୍ରମଶଃ ହ୍ରାସ ପାଉଛି। ଯାହାଦ୍ବାରା ଦୁଇ ନଦୀ ମଧ୍ୟରେ ଥିବା ବଡ଼ବଡ଼ ସେତୁଗୁଡ଼ିକ ପ୍ରତି ବିପଦର ଆଶଙ୍କା ସୃଷ୍ଟି ହୋଇଛି। ଏବେଠାରୁ ପ୍ରଶାସନ ଏଥିପ୍ରତି ସତର୍କ ନ ହେଲେ, କଟକ ସହରବାସୀ ଓ ଉପକଣ୍ଠ ଅଞ୍ଚଳରେ ଲୋକମାନେ ପିଇବା ପାଣି ପାଇଁ ଘୋର୍ ଅସୁବିଧାର ସମ୍ମୁଖୀନ ହେବେ ବୋଲି ଜଣାପଡ଼ିଛି।
କଟକକୁ ମାଡ଼ି ଆସୁଛି ବଡ଼ ବିପଦ : ପିଇବା ପାଣି ପାଇଁ କହନ୍ତସନ୍ତ ହେବେ ଟକବାସୀ
